Aizawl, 11th April, 2022 :

Fire & Emergency Services Department leh Mizoram Journalist Association Gen. Hqrs. te tangkawp chuan F&ES Hqrs. Conference Hall, Hunthar Veng-ah ‘Special Training & Awareness Programme for Media persons on Fire Saftey & Fire Prevention’ an buatsaih a. He Media Training & Awareness Programme F&ES Director Pu C. Lalthanmawia, MPS kaihhruaiah hian I&PR Director Pu C. Lalnunkima, MIS chu khuallian a ni.

Media person-te lawmna thu sawiin F&ES Director Pu C. Lalthanmawia chuan kangmei chhuak thei laka inven dan leh fimkhur dan tur inhrilhhriat theihna hmanrua chak leh tangkai ber chu media a nih avangin F&ES Department leh MJA Gen. Hqrs. te tangkawpin Media Awareness Programme an huaihawt thei chu a lawmawm hle a ni a ti.

He hunah hian kangmei chungchang inzirtirna leh kangmei laka in vendan te zir ho a ni a, Pu Lalremtluanga, Reserve Officer, F&ES hnen atangin power point presentation hmanga zir ho a ni. He mi bakah hian kangthelhna hmanraw hmandan te in hrilhhriat a ni bawk.