Dated Aizawl : The 14^th April, 2026 : Kum tinin Fire Service Week hi India ram pumah 14^th – 20^th April chhungin hman thin a ni a. 14^th April bik hi Fire Service Day/ Martyrs Day atan hman a ni bawk a. Kum 1944, April ni 14 khan Indo lawng lian tak  ‘S.S Fort Stikine’ an tih chu Mumbai lawng chawlh hmun a lo thleng a. He lawng, ralthuam leh bomb lam chi tam tak  phur hi a kang ta vak mai a. He kangmei chhuak rapthlak takah hian Bombay Fire Brigade mi 66 leh Bombay Salvage Corps mi 11 kangthelh tute chuan an nunna an chan phah a. Heng mitthi te hriatrengna atan hian Fire Service Day hi April 14 ah hian hman a ni ta a. Hemi ni denchhen hian April 14^th - 20^th chhung hi Fire Service Week atan hman a ni  thin a ni. He week chhung hian India rama Fire Service chi hrang hrang te chuan hmun hrang hrangah kangmei laka himna tur zirtirna an nei thin a ni. 

Kumin 2026 Fire Service Week thupui atan hian India Sawrkar chuan "Safe School, Safe Hospital & Fire Safety Aware Society-Together for Fire Prevention"  tih a thlang a ni. 

Mizoramah pawh kumin Fire Service Week chhung hian damdawi in thlan bikahte Fire Safety Audit neih a ni dawn a. Tin, School hrang hrangah  School naupangte Fire & Evacuation Drill leh Lecture & Demonstration neih pui an ni dawn bawk a  ni.  He week denchhen hian F&ES a thawk mi 5 (panga) te chu  Director General-Fire Service, Civil Defence & Home Guard, MHA, Govt. of India chuan an hnathawh that avangin Silver & Bronze Disc and Commendation Certificate dawng turin a rawn thlang a, chungte chu:

Silver Disc 

 1. Pu Lalremmawia                                    Divisional Fire Officer, F&ES

Brone Disc

 1. Firefighter R.Laltanliana                        Serchhip Fire Station

              2. Firefighter H. Lalremruata                     Mamit Fire Station

              3. Driver Grade –II Ramsangzela               Mamit Fire Station

              4. Driver Grade – II FX Laltanpuia            Serchhip Fire Station

Martyrs Day/Comemmoration Day Parade hi Aizawl ah chuan Fire & Emergency Services Headquarters, Hunthar Vengah ni 14^th April 2026 zing dar 7:00 a.m. khan  hman a ni a. Aizawl pawn lama Fire Station te chuan ni 14^th April 2026 zing dar 9:00 a.m ah an mahni hmun theuh ah an hmang ve thung ang. He Martarte sunna hunah hian kum 2025 chhunga kangthelhna leh duty kaihhnawih a thi te hming chhiar chhuakin anmahni sun nan Minute khat ngawi renga dingin an pual hian Martar thlanah Pangpar dah a ni a. Chungte chu :-