Dated Aizawl the 14th April, 2024 : 

Kum tinin Fire Service Week hi India ram pumah 14th – 20th April chhungin hman thin a ni a. 14th April bik hi Fire Service Day/ Martyrs Day atan hman a ni bawk a. Kum 1944, April ni 14 khan Indo lawng lian tak  ‘S.S Fort Stikine’ an tih chu Mumbai lawng chawlh hmun a lo thleng a. He lawng, ralthuam leh bomb lam chi tam tak  phur hi a kang ta vak mai a. He kangmei chhuak rapthlak takah hian Bombay Fire Brigade mi 66 leh Bombay Salvage Corps mi 11 kangthelh tute chuan an nunna an chan phah a. Heng mitthi te hriatrengna atan hian Fire Service Day hi April 14 ah hian hman a ni ta a. April 14th - 20th chhung hi Fire Service Week atan hman a ni  thin a. He week chhung hian India rama Fire Service chi hrang hrang te chuan kangmei laka himna tur zirtirna an nei thin a ni. 

Sorkar laipui chuan rampum a hman tur in kumtin Fire Service Week thupui a nei thin a. Kumin 2024 Fire Service Week thupui atan hian “Ensure fire safety, contribute towards Nation Building”  tih a thlang a. Mizo tawng chuan “Kangmei lakah fimkhur la, ram tan tha thawh ve rawh”  tiin a dah theih awm e.

Fire Service Week denchhen hian  Fire Station tinten Hospital/Nursing Home pakhat leh School pakhat zel kangmei chuak thulh a a him leh him loh endik na neih a ni ang. He week denchhen hian  F&ES a thawk mi pali te chu  Director General-Fire Service, Civil Defence & Home Guard Bronze Disc & Commendation Certificate dawng turin a rawn thlang a, chungte chu:

    1. Fireman C Lalbuatsaiha        Bawngkawn FS

    2. Fireman H Lallawmkima        F&ES Hqrs

    3. Fireman Vanlalthafamkima    Khatla FS

    4. Fireman P.C. Lalnunpuia       Khatla FS

Martyrs Day/Comemmoration Day Parade hi Aizawl ah chuan Fire & Emergency Services Headquarters, Hunthar Vengah ni 14th April 2024 zing dar 7:00 a.m. khan  hman a ni a. Pu Zosangliana MPS, Director, Fire & Emergency Services chuan thu sawiin Fire & Emergency Services a thawktu zawng zawng te chu in pekna thar nen mahni a a tha ber hlan theuh turin a fuih a ni, Aizawl pawn lama Fire Station te chuan ni 14th April 2024 zing dar  9:00 a.m ah an mahni hmun theuh ah an hmang ve thung a ni. He Martar-te sunna hunah hian kum 2023 chhunga kangthelhnaa leh duty kaihhnawih a thi te hming chhiar chhuakin anmahni sun nan Minute khat ngawi renga dingin an pual hian Martar thlanah Pangpar dah a ni a. Martar-te chu :-