Dated Aizawl, the 23rd July, 2022 :
Fire & Emergency Services, Mizoram hi kum 1972 a ding tan a ni a. Kumin 2022 hi an kum 50-na a nih angin a lawmna peng khat atan vantlang hmun thenkhat thlan bikte tihfai hnatlang July thla chhung hian hmun hrang hrangah an nei a. Duty pawimawh dang avanga he ni hmang theilo te pawhin hun remchangah an hmang dawn a ni.
Aizawl khawpui chhunga bikah vantlang inthiarna hmun ualau deuh leh tihfai ngai nia hriatte hmun 14 lai tihfai a ni a. Aizawl khawpawn Fire Station lam te pawn an awmna hmun theuh a tihfai ngai nia hriatte tifai in an thawkchhuak a ni.
An department kum 50-na pual hian Souvenir Magazine tihchhuah leh lawmna programme hi September 1, 2022 hian neih tumin an inbuatsaih mek bawk.
 |  |  |  |
 |  |  |  |
 |  |  |  |
